Best Cuisine

ကချင်အစားအစာမှာ နာမည်ကြီးတဲ့ စမ်းချောင်းက ကချင်ရိုးရာစားသောက်ဆိုင်

January 11, 2023

Asian Food တွေ၊ European Food တွေချည်း စားနေရတာ တစ်ခါတစ်လေတော့လည်း ငြီးငွေ့စရာကောင်းပါတယ်။ ဒါကြောင့် ဒီတစ်ခါတော့ မြန်မာဆန်ဆန် ကချင်ဒေသရိုးရာအစားအစာတွေနဲ့ ရှမ်းအစားအစာတွေကို မြည်းစမ်းကြည့်နိုင်ဖို့ စမ်းချောင်း Spirit ဘေးမှာ ဖွင့်ထားတဲ့ Simple traditional foods ဆိုတဲ့ ကချင်ရိုးရာစားသောက်ဆိုင်လေးနဲ့ မိတ်ဆက်ပေးလိုက်ပါတယ်။ ကချင်အငွေ့အသက်တွေ ပြည့်နှက်နေတဲ့ ဒီဆိုင်လေးက ကြော်ငြာစရာမလိုအောင် Foodie တွေကြား နာမည်ကြီးပြီးသား ဖြစ်ပါတယ်။ 

ဒီဆိုင်ရောက်ရင် မစားမဖြစ် စားရမယ့် မီနူးကတော့  ပလာတူးငါးဆလတ်ပဲ ဖြစ်ပါတယ်။ ငါးကို အရသာနှပ်ပြီးကြော်ထားတဲ့ ငါးကြော်ပူပူလေးကိုမှ မုန်ညင်းဖြူရွက်ထဲ မုန့်ဖက်ထည့် ငါးကြော်ထည့် ပြီးရင် ငရုတ်သီးဆောစ့်ချဉ်ချဉ်စပ်စပ်လေးကို ဆမ်းပြီး တစ်လုပ်စားလိုက်ရတဲ့အချိန်မှာ  ဆွေမျိုးပါ မေ့လောက်အောင်ကောင်းတဲ့ အရသာကို ခံစားရမှာ ဖြစ်ပါတယ်။ 

Click Here >>> GK General Trading

စမ်းချောင်းမှာ ကချင်ရိုးရာအစားအစာဖြစ်တဲ့ ဆာဖြယ်နဲ့ ငါးပလာတူဆလတ် စားကောင်းတဲ့ ဆိုင်လေးဆိုရင်တော့ ဒီဆိုင်လေးကို ညွှန်းပေးချင်ပါတယ်။ ဒီဆိုင်က ဟင်းလျာတွေက ကချင်ဒေသက အရသာနီးပါး တော်တော်လေး စားကောင်းပါတယ်။

ဒီဆိုင်ရဲ့  ရောင်းအားအကောင်းဆုံးနဲ့ လူကြိုက်အများဆုံး ဟင်းလျာတွေကတော့-

ပလာတူးငါးဆလတ်

 

 

 

 

 

 

အမဲပုဆိုးကြမ်းသုပ်

 

 

 

 

 

 

ဝက်မျှစ်ချဉ်ချက်


 

 

 

 

 

အမဲမျှစ်ချဉ်ချက်

 

 

 

 

 

 

 

ဆာဖြယ် အမဲချဉ်စပ် တို့ပဲဖြစ်ပါတယ်။ 

 

 

 

 

 

 

ဒီဆိုင်လေးမှာ သုံးတဲ့ ကုန်ကြမ်းတွေကအစ ကချင်ပြည်နယ်ဘက်က မှာပြီး ချက်ပြုတ်ထားတာဖြစ်တဲ့အပြင် ဟင်းအော်ဒါတက်မှ ချက်ပေးတာမို့လို့ ဟင်းအရသာမှာ လတ်လတ်ဆတ်ဆတ် ပူပူနွေးနွေးနဲ့ သုံးဆောင်ရမှာပဲဖြစ်ပါတယ်။

ဟင်လျားတွေကိုလည်း ပူပူနွေးနွေး စားစေချင်လို့ ဟင်းပေါင်းလိုဟာမျိုးက လွဲပြီး ကြိုချက်ထားတာမျိူးလည်း မရှိပါဘူး။ ဟင်းပေါင်းတောင် တစ်ရက်တစ်ခါ ပေါင်းပြီး ရောင်းတာမို့လို့ လတ်လတ်ဆတ်ဆတ် စားရမှာ ဖြစ်ပါတယ်။  

ကချင်စာတွေအပြင် ရှမ်းထမင်းနယ်တွေ၊ ရှမ်းခေါက်ဆွဲနဲ့ အမဲလုံးခေါက်ဆွဲတို့ပါ ရပါတယ်။ သောက်စရာအနေနဲ့ အသီးဖျော်ရည်၊ ဆိုဒါအအေး၊ လီမွန်တီး၊ ကော်ဖီအေးနဲ့ ကော်ဖီအပူတို့လည်း ရှိပါတယ်။ 

စျေးနှုန်းတွေကတော့ ၃,၀၀၀ ကြား ၄,၀၀၀ ကျပ် ဝန်းကျင်လေးတွေဆိုတော့ ပေးရတဲ့စျေးနဲ့ စားရတာတန်တယ်လို့ ပြောလို့ရပါတယ်။ 

ကချင်အစားအစာတွေက အဆီလွန်ကဲတာမျိုး၊ အချိုမှုန့်လွန်ကဲတာမျိုး လုံ၀မရှိတာကြောင့် ကျန်းမာရေးအရလည်း သင့်တော်ပါတယ်။ 

ဆိုင်နေရာလေးက အနည်းငယ်ကျဉ်းတာမို့ သွားပြီး နေရာမရလို့ ပြန်သွားရတဲ့ Customer တွေလည်းရှိပါတယ်။ ဆိုင်မှာသွားစားလို့ရသလို Food Panda / Grab / Easy Food တို့ကနေတဆင့် Delivery မှာစားလို့ရတယ်။ ဆိုင်ကို ဖုန်းဆက်မှာရင်လည်း နီးနီးနားနားက မြို့နယ်တွေဆို စက်ဘီးလေးနဲ့ ပို့ပေးပါတယ်။ 

ပဒုမ္မာလမ်းနဲ့ မင်္ဂလာလမ်းထောင့်၊ မြေနီကုန်း Spirit နား

Ph: 09 253 459 016

Fb Link: Simple traditional foods


Read 788 times.