စားသုံးသူများရဲ့ Review ကောင်းတွေနဲ့ “BKK Kuay Teow” ဆိုင်က ကွေ့သယို

ကွေ့သယိုကြိုက်တဲ့ Foodie လေးတွေအတွက် ကွေ့သယိုအရည်/အသုပ် အမျိုးအစားပေါင်း (၁၅) မျိုးလောက်ရပြီး အရသာကလည်း စားသုံးသူတွေရဲ့ အကြိုက်နဲ့ ထပ်တူကျခဲ့တဲ့ “BKK Kuay Teow” ဆိုတဲ့ဆိုင်လေးနဲ့ မိတ်ဆက်ပေးလိုက်ပါတယ်။
 
ဘန်ကောက်ရဲ့ Street Food လည်းဖြစ်ပြီး ယိုးဒယား အရသာစစ်စစ် ကွေ့သယိုကို ကြိုက်သူများအတွက် ယိုးဒယားထိ သွားစရာ မလိုဘဲ ရန်ကုန်မြို့ထဲမှာပဲ တန်တန်လေးနဲ့ အရသာရှိရှိ ဝယ်ယူသုံးဆောင်လို့ရမှာပဲဖြစ်ပါတယ်။
 
ဘန်ကောက်က ကွေ့သယို အရသာတွေအတိုင်းကို တစ်ထပ်တည်းနီးပါး တူညီမှုကို ခံစားရပြီး အရမ်းလည်း ဈေးမကြီး၊ အရမ်းလည်းဈေးပေါတယ်လို့ မထင်ရတဲ့ ဈေးနှုန်း သတ်မှတ်ချက်တစ်ခုကြောင့်ပဲ BKK ကွေ့သယိုဆိုင်ဟာ အချိန်တိုအတွင်း စားသုံးသူတွေကြား နာမည်ကြီးလာတာပဲဖြစ်ပါတယ်။ 
 
သူ့ဆိုင်မှာရနိုင်တဲ့ ကွေ့သယို Menu တွေကတော့ -

- ကွေ့သယိုအသုပ်(ကြက်) (ဝက်)
- ကြက်စတူး ကွေ့သယို
- ဝက်အူစုံ Soup
- ဝက်သွေး ကွေ့သယို 
- ဝက်ကွေ့သယို
- တုန်ယမ်းကွေ့သယို
- ဝက်အူစုံ Soup တို့အပြင် ထိုင်းအစားအစာ အထောင်းမျိုးစုံကိုလည်း ရရှိမှာဖြစ်ပါတယ်။ ကွေ့သယိုကို ခေါက်ဆွဲဖက်နဲ့ စားရတာ ရိုးနေပြီဆိုရင် သူ့ဆိုင်က ကြာဇံဖက်၊ မာမားခေါက်ဆွဲဖက်တို့နဲ့ လုပ်ထားတဲ့ ကွေ့သယိုကို ပြောင်းစားကြည့်။ စျေးနှုန်းကတော့ Portion များတဲ့ ကွေ့သယိုတစ်ပွဲကို ၄,၅၀၀-၅,၀၀၀ ကျပ်လောက်တော့ ရှိပါတယ်။ 

ဒီဆိုင်မှာဆိုရင် အုန်းသီးခွံထဲမှာ ထည့်ထားတဲ့ အရသာရှိလှတဲ့ အုန်းမွှေးရေခဲမုန့်ကလည်း ဆိုင်ရဲ့ Signature လို့ ဆိုနိုင်ပါတယ်။ ကွေ့သယို ပူပူစပ်စပ်လေး စားပြီးရင် အုန်းသီးရေခဲမုန့်ကို အချိုလေးတည်းပေါ့။ 
 
ဘန်ကောက်မှာရောင်းတဲ့ ကွေ့သယို ပုံစံကို တစ်ခါလောက် မြည်းစမ်းကြည့်ချင်တယ်ဆိုရင် ဒီဆိုင်မှာသာ သွားစားကြည့်။ ဆိုင်ရှင်ကိုယ်တိုင်က ထိုင်းအထိသွားပြီး ကွေ့သယိုလုပ်နည်းကို သေချာလေးသင်ယူခဲ့ရတယ်လို့ သိထားပါတယ်။  စားဖူးတဲ့သူတိုင်းလည်း ထပ်ခါတလဲလဲ သွားစားရတဲ့ ဒီဆိုင်လေးကို မစားဖူးသေးရင် တစ်ခါလောက်သွားစားကြည့်လို့ရအောင် အောက်မှာ လိပ်စာလေးတွေ ဖော်ပြပေးထားပါတယ်။  
 

Address : အမှတ် - 29, အင်းစိန်လမ်းမ (ခိုင်ရွှေဝါလမ်းသွယ်)၊ လှည်းတန်း၊ ကမာရွတ် (၁) ရပ်ကွက်။

** (ခိုင်ရွှေဝါလမ်း) ဦးထွန်းလင်းခြံလမ်းမှ တစ်လမ်းကျော် **

Phone  : 09770466494

Address : Hledan Center Outdoor Area , လှည်းတန်းလမ်းမ။

FB Link >>> BKK Kuay Teow