ကြက်ဥပူတင်းကို လွယ်လွယ်ကူကူနဲ့ လုပ်စားကြမယ်
ကြက်ဥပူတင်း မကြိုက်တဲ့သူဆိုတာ ခပ်ရှားရှားပါ။ကလေးတွေလည်း ကြိုက်သလို လူကြီးတွေလည်း ကြိုက်ကြပါတယ်။အခုတော့ ကြက်ဥပူတင်း လွယ်လွယ်ကူကူ ဘယ်လိုလုပ်ရလဲဆိုတာ ပြောပြပေးသွားမှာပါ။
ပါဝင်ပစ္စည်းများ
ကြက်ဥ= ၁၀လုံး(အနေတော်အရွယ်)
နွားနို့ = ၁လီတာ
သကြား= ၁၀ကျပ်သား
ဂျုံမှုန့် = ၅ဇွန်း(ထမင်းစားဇွန်း)
ဆား= လက်ဖက်ရည်ဇွန်းတဝက်
ဗနီလာနံ့= ၁စက်
(မရှိရင် custard powder တဇွန်းလောက်
ထည့်ပါ)ကြက်ဥရဲ့ အနံ့မထွက်အောင်
ထည့်တာပါ
ထောပတ် =ထမင်းစားဇွန်း (၁) ဇွန်း
ပြုလုပ်နည်း
အရင်ဆုံး ကြက်ဥကို ကြေအောင် ခေါက်မွှေပါ။သကြားနဲ့ နွားနို့ ဆားရောပြီး ၁၀မိနစ်လောက်ထပ်မွှေပါ။အဖတ်တွေ မဖြစ်အောင် ဂျုံ မှုန့်ကို ဇကာနဲ့ စစ်ပြီး ရောမွေပါ ။ ဖုတ်မယ့်ဘန်း ကို ထောပတ်၁ဇွန်းနဲ့ နှံ့အောင်သုတ်ထားပါ အိုးထဲထည့် မီးနဲနဲလေးနဲ့ ကြက်ဥရည် ပျစ်လာအောင်ကျိုပါ။ အဆက်မပြတ်မွေနေရပါမယ်။ ဗနီလာ တစက်လောက်ထည့်ပါ။ မိနစ် ၂၀လောက် ကျိုရပါတယ် ပျစ်လာရင် ဖုတ်မယ့်ဘန်း ထဲထည့် အပူချိန် ၁၆၀ံ စင်တီဂရိတ် မိနစ်၃၀ဖုတ်ပါ။နီရောင်သမ်းလာရင် အအေးခံပါ လုံးဝအေးသွားမှ ရေခဲသေတ္တာထဲ ၁နာရီလောက်ထည့်ပါ။ ဒါဆိုရင် လူတိုင်းကြိုက်တဲ့ ကြက်ဥပူတင်း လေးရသွားပါပြီ။
