ရိုးရှင်းလွယ်ကူတဲ့ ကြက်ပေါင်ကြော်
အစားအသောက်ဆိုတာ လူတိုင်းနဲ့တည့်ပါတယ်။ အစားသောက်ကောင်းတွေကို စားသောက်ဖို့အတွက် ဆိုင်တွေကို အမြဲသွားနေရတာက တစ်ခါတစ်လေတော့ ငြီးငွေ့ဖို့ကောင်းပါတယ်။
ဒါ့ကြောင့် ရိုးရှင်းလွယ်ကူပြီး စားရတာ အရသာရှိစေမယ့် ကြက်ပေါင်ကြော်နည်းကို အဆင့်လေးတွေနဲ့ ကြော်ကြည့်ရအောင်...
ပထမဆုံးအနေနဲ့ ဓားချွန်နဲ့အထဲကအသားကိုမှပေါင်ရိုးကနေပတ်ပတ်လည်ထိုးချရပါမယ်။ အရသာ၀င်အောင်လို့ပါ။ ပြီးရင်ရေသေချာဆေးရပါမယ်။
ရေးဆေးပြီးရငး ဆာ၊ ဟင်းခတ်မှုန့်၊ ငရုတ်ကောင်းမုန့်၊ ခရုဆီ၊ ဂျင်းနဲ့ ကြက်သွန်ဖြူရောကြိတ်ပြီးရလာတဲ့ (အရည်)ဘဲထည့်ပါမယ်။ သေသေချာချာနှံ့နှံ့စပ်စပ် မိနစ် ၂၀ ခန့်နယ်ပေးရပါမယ်။ နယ်ပြီးရင် ၁ နာရီနှပ်ပေးရပါမယ်။
၁ နာရီနှပ်ပြီးတာနဲ့ အရင်ပေါင်းပါမယ်။
မိနစ် 40 ပေါင်းထားပါ။ မကျက်မှာလည်း မပူရတော့ရဘူး။
မိနစ် 40 ဆို တော်တော်နူးပြီးမို့ အပြင်ထုတ်လိုက်ပါမယ်။ ကြက်ဥ ၃ လုံးခေါက်ထားပါမယ်။ Tempura flour ကိုလှိမ့်လို့လွယ်မယ့် ပန်ကန်ပြားထဲထည့်လိုက်မယ်။ Bread crumbs လည်း ထို့နည်းတူထည့်လိုက်ပါမယ်။
ကြက်ပေါင်ကို Tempura flour နဲ့နှံ့အောင်လှိမ့်ပေးပါမယ်။
ပြီးရင်ခေါက်ထားတဲ့ ကြက်ဥထဲလှိမ့်ပါမယ်။
ကြက်ဥထဲလှိမ့်ပြီးတာနဲ့ bread crumbs နဲ့နောက်ဆုံးအနေနဲ့ လှိမ့်ပါမယ်။
ဒီလိုလေးဖြစ်လာပါပြီ။
15 မိနစ်ခန့်ဒီတိုင်းထားပါမယ်။
မီးအေးအေးနဲ့ ပထမဆုံးအခေါက်ကြော်လို့ ဒီအရောင်ရရင် ခနပြန်ဆယ်လိုက်ပါ။
ပြီးရင် မီးပြင်းပြင်းနဲ့ ဒုတိယအကြိမ်ပြန်ကြော်ပါ။ ဒီအရောင်ရရင်ဆယ်လိုက်ပါ။
သန့်ရှင်းလတ်ဆတ်တဲ့ ကြက်ကြော်လေးရပါပြီ။
