ရန်ကုန်မြို့မှ သက်တမ်းကြာပြီး နာမည်ကြီးတဲ့ Street Food ဆိုင် (၈) ဆိုင်

အရသာလဲရှိ တန်လဲတန်တဲ့ ရန်ကုန်မြို့မှ သက်တမ်းရင့် Street Food ဆိုင်တွေကို ဒီတစ်ပတ်အတွက် မျှဝေပေးချင်ပါတယ်။ ဒါကြောင့် Street Food စားရတာ ကြိုက်နှစ်သက်တဲ့သူတွေအတွက်၊ ရန်ကုန်ကို တခြားမြို့က အလည်လာတဲ့သူတွေအတွက် ဖွင့်ထားတာလည်း သက်တမ်းကြာပြီး မစားမဖြစ်သွားစားသင့်တဲ့ Street Food ဆိုင် ၈ ဆိုင်ကို စုစည်းဖော်ပြပေးထားပါတယ်။  

Click Here >>> Astir Power Co., Ltd.

(၁) လမ်းမတော် ၉ လမ်း မြိတ်ကတ်ကြေးကိုက်
၁၉၉၈ ခုနှစ်မှ စတင်ဖွင့်လှစ်ပြီး အခုဆိုရင် ဖွင့်တာ နှစ်ပေါင်း ၃၀ ကျော်သက်တမ်းရှိပြီ ဖြစ်ပါတယ်။ ကက်ကြေးကိုက်ကို ချဉ်စပ်၊ ရိုးရိုး အစပ်၊ အချိုတို့ဖြင့် စားသုံးနိုင်ပြီး  ကြက်၊ ဝက်၊ ပင်လယ်စာ စသဖြင့် မိမိကြိုက်နှစ်သက်ရာ မှာနိုင်ပါတယ်။

ဆိုင်ဖွင့်ချိန်ကတော့ ညနေ ၃ နာရီခွဲမှ ည ၉ နာရီခွဲ အထိ ပုံမှန် ဖွင့်လှစ်ရောင်းချလျက် ရှိပါတယ်။ ရုံးဆင်းချိန်နဲ့ ညစာစားချိန်တွေမှာ ဆိုင်လုံးပြည့် စားသုံးသူတွေနဲ့ အမြဲပြည့်နေတတ်တာကြောင့် နေရာရဖို့ဆို စောစောသွားတာ ကောင်းပါတယ်။ 

လိပ်စာ –  အမှတ်(၂၃၅)၊ ၁၀လမ်း၊ အနော်ရထာလမ်းမပေါ်၊ လမ်းမတော်မြို့နယ်။

ဖုန်း - 09 765 890017

(၂) မူလလက်ဟောင်း လမ်း ၂၀ ဂဏန်းကော်ကြော် 

နောက်ထပ်ပြောပြပေးမယ့် ဆိုင်လေးကတော့ တရုတ်တန်းက ဆိုင်တွေထဲမှာမှ နာမည်ကြီးဆိုင်ဖြစ်ပါတယ်။ ဖွင့်တာလည်း နှစ်ပေါင်း ၅၀ ကျော်တောင်ရှိပြီဖြစ်ပြီး အခုဆိုရင် လမ်း ၂၀ ကနေ ၂၂ လမ်းမှာ ပြန်လည်ဖွင့်လှစ်ထားတာ ဖြစ်ပါတယ်။ ဒီဆိုင်လေးက နာမည်ကြီးပြီး Food Vloger တွေရဲ့ review ကောင်းတွေ ရထားတဲ့ဆိုင်လေးမို့လို့ သွားစားကြည့်ဖို့ လမ်းညွှန်ပေးလိုက်ပါတယ်။

လိပ်စာ - အမှတ်(၈၁)A၊ မြေညီထပ်၊ (၂၂) လမ်း၊ မောင်ခိုင်မှတ်တိုင်အနီး။

ဖုန်း - 09 44304 9922

(၃) ကျောက်မြောင်း နိဂြောဓ ပုဇွန်ကွက်ကြော်

ကျောက်မြောင်း နိဂြောဓလမ်းမှ ပုဇွန်ကွက်ကြော် ဆိုင်လေးကတော့ လွန်ခဲ့တဲ့ နှစ်ပေါင်း ၃၀ ကျော်ကတည်းက စတင် ဖွင့်လှစ်ခဲ့တာဖြစ်ပါတယ်။ ဒီဆိုင်ရဲ့ ပုဇွန်ကွက်ကြော်က အထူးနာမည်ကြီးတာကြောင့် နိုင်ငံခြားထွက်သွားပြီး မြန်မာနိုင်ငံကို ပြန်လာတဲ့သူတွေ တော်တော်များများက သတိတရနဲ့ ပြန်လာစားကြပါတယ်။ ပုဇွန်ကွက်ကြော်ထဲ ထည့်ကြော်တဲ့ ပဲပင်ပေါက်ကိုလည်း ကိုယ်တိုင်ဖောက်ထားတာဖြစ်လို့ လတ်လတ်ဆတ်ဆတ်နဲ့ အရသာရှိရှိ စားရမှာဖြစ်ပါတယ်။

ပဲပင်ပေါက်ကို ပုဇွန်၊ မုန့်နှစ်နဲ့ ရောပြီး ခွက်ကလေးနဲ့ကြော်ထားတဲ့ ပုဇွန်ကွက်ကြော်ဖြစ်ပါတယ်။ ခေါက်ဆွဲနဲ့ ကြာဆံသုတ်တို့မှာလည်း ပြန်လည်ရောမွှေ ထည့်သုပ်ထားတာကြောင့် တမူထူးခြားတယ်လို့ ဆိုနိုင်ပါတယ်။ ဒီဆိုင်ရဲ့ အသက်ကတော့ ပုဇွန်ကွက်ကြော်ထဲ ထည့်သုပ်တဲ့ အချဉ်ရည်ပဲ ဖြစ်ပါတယ်။ အချဉ်ရည်ကို မန်ကျည်းသီးနှစ်နဲ့ အဓိကထား ပြုလုပ်ထားတာကြောင့် စားသုံးသူတွေအတွက်တော့ ကျန်းမာရေးနှင့် ညီညွတ်စေပါတယ်။ 

လိပ်စာ – အမှတ် (၁၁)၊ ဓမ္မစိန္တာလမ်းနဲ့ နိဂြောဓလမ်းထောင့်၊ ကျောက်မြောင်း၊ တာမွေ။

ဖုန်း - 09 540 7706

(၄) ရွှေမျက်မှန်ထမင်းပေါင်း 

ရွှေမျက်မှန်ထမင်းပေါင်းကို နှင်းပုလဲထမင်းပေါင်းလို့လည်း ခေါ်ကြပါတယ်။ ဆိုင်ဖွင့်ချိန်ကတော့ နေ့စဉ် နံနက် ၉:၀၀ နာရီမှ ည ၆:၃၀ အထိ ဖွင့်ပါတယ်။ ဒီဆိုင်ရဲ့ အသက်က ကြက်သွန်ဟင်းအနှစ်အပြင် ငရုတ်သီးဆားထောင်းလေးကို ထမင်းနဲ့ နယ်စားရတာပဲ ဖြစ်ပါတယ်။ ရန်ကုန်မြို့မှာတော့ နာမည်ကြီး  Street food ဆိုင်တွေထဲက တစ်ဆိုင်ဖြစ်လို့ ဒီဆိုင်လေးကိုလည်း ဖော်ပြပေးလိုက်ပါတယ်။

လိပ်စာ - အမှတ်(၇၆)၊ ၂၇ လမ်းအောက်ဘလောက်၊ ရန်ကုန်။

ဖုန်း - 095321474

(၅) ဒေါ်ယုံ ကြာဇံချက်

ဒေါ်ယုံကြာဇံချက်က ကျောက်မြောင်းမှာတော့ မသိသူ မရှိလောက်အောင် နာမည်ကြီးပါတယ်။ ကြက်ရိုးနဲ့ ချက်ပြုတ်ထားပြီး အရသာက လေးလေးပင်ပင် ရှိတာကြောင့် ကြာဇံချက် ကြိုက်သူတွေနဲ့ တခြား အပူအစပ် စားသူများအတွက် အထူးသင့်လျော်ပါတယ်။ ကြာဇံချက်ကို လိုက်ဖက်တဲ့ အတွဲအစပ်အဖြစ် စားသုံးဖို့ ချဉ်ချဉ်စပ်စပ် ရှောက်သီးသုပ်ကိုလည်း ရောင်းချပေးပါတယ်။ 

လိပ်စာ – အမှတ်(၃ဝ)၊ ကျောက်ရေတွင်းလမ်း (သုခလမ်းနဲ့ အင်းဝလမ်းအကြား) ကျောက်မြောင်း။

ဖုန်း - 09 881 012321

(၆) လသာလမ်း ကြေးအိုး

ရန်ကုန်မြို့၊ လသာလမ်း ၂၀၊ အပေါ်ဘလောက်မှာ ညနေ ၄ နာရီကနေ ည ၁၁ နာရီအထိ ဖွင့်ပါတယ်။ မြူစွမ်ကြေးအိုး၊ ကြာဇံကြေးအိုး၊ ကြေးအိုးဆီချက်တို့ကို အဓိကထား ရောင်းချပါတယ်။ ဒါ့အပြင် ဘဲသွေးသုပ်၊ အော်ကွေ့ကြည်၊ ဆန်ပြုတ်၊ ဖက်ထုပ်နဲ့ ကြက်ပေါင်းရည်တို့လည်း ရပါတယ်။ 

သူ့ရဲ့ ကြေးအိုးဟာ တခြားကြေးအိုး အရသာတွေနဲ့ မတူတာကတော့ ဆေးသကြား အသုံးမပြုထားဘူး။ အချိုမှုန့် မပါစေလိုရင် မထည့်ဘဲ စားသုံးသူများ ရှေ့တွင်ပင် ချက်ပြုတ်ပေးပါတယ်။

လိပ်စာ - အမှတ် (၈၄/၈၆)၊ လသာလမ်း ၂၀၊ အပေါ်ဘလောက်။ 

ဖုန်း - 09965113584

(၇) ကောင်းမှကောင်း ဘူးသီးကြော်

ဘူးသီး နုနုဖတ်ဖတ်လေးတွေကို မုန့်နှစ်ကောင်းကောင်း၊ ဆီသန့်သန့်လေးနဲ့ ကြော်ထားပါတယ်။ ဒီဆိုင်ရဲ့ အသက်က ဘူးသီးကြော်နဲ့ တို့စားတဲ့ အချဉ်ဖြစ်ပါတယ်။ တစ်မြို့လုံး ပတ်ရှာမယ်ဆိုရင်တောင် ဒီအချဉ်နဲ့ တူတဲ့ အချဉ် တွေ့မှာမဟုတ်ပါဘူး။ နောက်ပြီး ပိုးပေါက်၊ အနာမပါတဲ့ ဆလပ်ရွက် စိမ်းစိမ်းစိုစိုလေးတွေကိုလည်း ထားပေးထားပါတယ်။

လိပ်စာ - သိမ်ဖြူလမ်းနဲ့ အနော်ရထာလမ်းထောင့်၊ စိန်ပေါမှတ်တိုင်အနီး၊ ဗိုလ်တထောင်။

ဖုန်း - 09253636719

(၈) တောသုပ်

တောသုပ်ဆိုင်မှာတော့ ကိုယ်ကြိုက်တဲ့ ရာသီပေါ် အသီးတွေကို စိတ်ကြိုက်ရွေးပြီး စပ်စပ်လေး သုပ်ခိုင်းလို့ရပါတယ်။ ဒီဆိုင်ရဲ့ အသက်ကတော့ အသုပ်ထဲ ထည့်တဲ့ ငပိပါ။ ခံတွင်းရှင်းပြီး နေခင်းဘက် အပျင်းပြေ ချဉ်ငံစပ်လေး စားချင်ရင်တော့ တက္ကသိုလ်ရိပ်သာလမ်း YUFL ရှေ့မှာ တစ်ဆိုင်၊ ရန်ကင်းမှာ တစ်ဆိုင်ရှိလို့ သွားစားနိုင်ပါတယ်။

လိပ်စာ ၁ - တက္ကသိုလ်ရိပ်သာလမ်း၊ YUFL ရှေ့

ဖုန်း - 09 79118 0761

လိပ်စာ ၂ - ရန်ကင်းလမ်းမနဲ့ ရန်နိုင် ၄ လမ်းထောင့်၊ ၄ ရပ်ကွက်၊ ရန်ကင်း။

ဖုန်း - 09 88211 3939

အခု ဖော်ပြပေးလိုက်တဲ့ ဆိုင်တွေကတော့ သက်တမ်းရင့် နာမည်ကြီးဆိုင်တွေ ဖြစ်ပြီး အရသာမှာပြောစရာမလိုအောင် လူတန်းစား မရွေးစားနိုင်တဲ့ Street food ဆိုင်လေးတွေ ဖြစ်ပါတယ်။ ဒါကြောင့် တန်တန်လေးနဲ့ အရသာရှိရှိလေး စားချင်တယ်ဆိုရင် ဒီဆိုင်လေးတွေမှာ သွားရောက်မြည်းစမ်းကြည့်ဖို့ လမ်းညွှန်ပေးလိုက်ပါတယ်။

The Myanmar Restaurant Gide