ထိုင်းနိုင်ငံ Pizza Company မှာ ရောင်းချနေတဲ့ ဆေးခြောက်ပီဇာ

အောင်မြင်တိုးတက်နေတဲ့ ထိုင်းနိုင်ငံမှာ နောက်ထပ် အံ့ဩစရာတစ်ကွက်ကိုချပြလိုက်ပါပြီ။ အဲ့တာက ဘာလဲဆိုတော့ ဆေးခြောက်နဲ့လုပ်ထားတဲ့ အရသာရှိလှတဲ့ ပီဇာဖြစ်ပါတယ်။ အရင် ကိုဗစ် wave တုန်းကလည်း ဆေးခြောက်နဲ့ ကိုဗစ်လူနာတွေကို ကုသပြီး ရောဂါသက်သာစေခဲ့ပါတယ်။

ဒီတစ်ခေါက်ကတော့ နာမည်ကြီး ပီဇာဆိုင်တစ်ခုဖြစ်တဲ့ The Pizza Company က ဆေးခြောက်ပါဝင်တဲ့ တုန်ယမ်းအရသာ ပီဇာမီနူးအသစ်ကို မကြာခင်က မိတ်ဆက်လိုက်ပါတယ်။ ထိုင်းနိုင်ငံမှာ ဆေးခြောက်ကို တရားဝင်အသုံးပြုခွင့်ပြုပြီးနောက် အစားအသောက်၊ ဖျော်ရည်တွေမှာ ဆေးခြောက်နဲ့တွဲစပ်ရောင်းချတာတွေကို ထိုင်းစားသောက်ဆိုင်တွေမှာ တွေ့ရပြီး ဆေးခြောက်ပီဇာကိုတော့ The Pizza Company က ပထမဆုံးမိတ်ဆက်လိုက်တာဖြစ်ပါတယ်။ 

ဆေးခြောက်ပီဇာကို ထိုင်းတစ်နိုင်ငံလုံးရှိ The Pizza Company ဆိုင်များမှ တစ်ချပ်ကို (၄၉၉) ဘတ်နဲ့  ၁၁၁၂ ကိုဖုန်းဆက်ပြီး မှာယူနိုင်ပါတယ်။